إيه الجمال ده إيه الدلال ده
يابت يا اسكندرنية
الفجر صابحة تشمي اليود
تبقي شديدة وعافية
صفاري ساعة عصرية
في نسيمها تمشي بحرية
علي رمل بحرك وبرقة
تتمشي حافية يا صبية
ولما يطلع فى مزاجك
بترمي روحك في الميه
يا سمكه انت يا بلطية
جنية واللا مخاوية
عشان تقولي الحدوتة
بسلاسة وبروح رياضية
*****
دى مصر فعلا موالك
احكى وقولي اللي ف بالك
واحنا معاك وبنشارك
وحفظينا الأغنية
ومصر فعلا أم الكون
حراسها فوق الميت مليون
مهما تعلم في السربون
لترابها عاشق وبهية
وإن أى سايح جه بيتها
يشرب من مية قلتها
مشيتْ في دمه بسرعتها
يحفظ أصول المصرية
وبنت بحري يا جمالها
لما تقسم موالها
ع الشط تفرش لنا شالها
يحلا الكلام الملاغية
يابت يا اسكندرنية
هناك تعليق واحد:
يا نادية يا جنية
بحبك موت
بس فين يا بخيلة الاهداء
حنان سرور
إرسال تعليق